மகசூல் விலையை உயர்த்த வலியுறுத்தி டெல்லியை நோக்கி பேரணி சென்ற விவசாயிகளை கலைக்க, கண்ணீர் புகை குண்டுகளை வீசி காவல்துறை ஒடுக்குமுறையை மேற்கொண்டது. இருப்பினும், அஞ்சாமல் போராட்டத்தை முன்னெடுத்த விவசாயிகளிடம் மறுபுறம் பேச்சுவார்த்தைக்கு ஒன்றிய அரசு அழைப்பு விடுத்து போராட்டத்தை இடைநிறுத்தம் செய்துள்ளது.
பஞ்சாப் மாநிலத்தைச் சேர்ந்த விவசாயிகள் தங்களது விளைபொருட்களுக்கு சட்டப்பூர்வமாக உத்தரவாதம் அளிக்கப்பட்ட அதிகபட்ட விலையைக் கோரி தொடர் போராட்டங்களை நடத்தி வருகின்றனர். பிரதமர் மோடி வரும் மே மாதம் நடைபெறவுள்ள நாடாளுமன்ற தேர்தலில் போட்டியிட உள்ள நிலையில், விவசாய வாக்காளர்களை பாஜக சீண்ட முடியாது என்பது குறிப்பிடத்தக்கது.
விவசாயிகளின் தலைவர்களில் ஒருவரான சர்வான் சிங் பண்டர் செய்தியாளர்களிடம், "ஒன்றிய பாஜக அரசு எங்கள் அனைத்து கோரிக்கைகளையும் நிறைவேற்ற வேண்டும். அமைதியை நிலைநிறுத்துவது அவசியம்" என்று கூறினார்.
முன்னதாக, சோளம், பருத்தி மற்றும் பயறு வகைகள் போன்ற விளைபொருட்களுக்கு ஐந்தாண்டு ஒப்பந்தங்களையும் உத்தரவாத விலைகளையும் வழங்கும் ஒன்றிய பாஜக அரசின் முந்தைய திட்டத்தை விவசாயிகள் குழுக்கள் நிராகரித்தன.
டெல்லிக்கு சுமார் 200 கி.மீ தொலைவில் உள்ள தேசிய நெடுஞ்சாலையில் உள்ள ஒரு இடத்திலிருந்து விவசாயிகள் உழவு இயந்திரங்களுடன் பேரணி தொடங்கினர். போராட்டக்காரர்களுக்கு எதிராக ஒன்றிய பாஜக அரசின் தடைகளை அகற்றுவதைத் தடுக்கும் வகையில், ஹரியானா மாநில காவல்துறை புதன்கிழமை அவற்றைக் கைப்பற்றியது.
மாநில எல்லையில் உள்ள ஷாம்புவில் சுமார் 10,000 பேர், 1,200 டிராக்டர்கள் மற்றும் வண்டிகளுடன் திரண்டிருந்தனர். டெல்லிக்கு செல்லும் முக்கிய நுழைவாயில்கள் மூடப்பட்டதால், 20 மில்லியனுக்கும் அதிகமான மக்கள் தொகை கொண்ட இந்த நகரத்திற்கு வரும் போக்குவரத்து பாதிக்கப்பட்டுள்ளது.
விவசாயிகளின் இந்தப் போராட்டம் கடந்த இரண்டு ஆண்டுகளுக்கு முன்பு டெல்லி எல்லையில் மாதக்கணக்கில் முகாமிட்டிருந்த விவசாயிகளின் போராட்டத்தை நினைவுபடுத்துகிறது. அப்போராட்டத்தின் விளைவாக, பிரதமர் மோடிக்கு அவரது அரசு கொண்டு வந்த வேளாண் சட்டங்களை ரத்து செய்ய வேண்டிய நிலை ஏற்பட்டது.
கருத்துகள்
கருத்துரையிடுக