"என்னய்யா நடக்குது இங்க?" என்று டெல்லியில் எடப்பாடி பழனிச்சாமி ஸ்டைலில் ஒருத்தர் புலம்பியது கேட்குதா? அதுதாங்க தாமரை சாம்ராஜ்யத்தின் இன்றைய பரிதாப நிலை. தமிழ்நாட்டு ஆளுநர் ஆர்.என்.ரவி, தான் ஒரு "குறுநில மன்னர்" ரேஞ்சுக்கு பில்டப் கொடுத்து, மக்களால் தேர்ந்தெடுக்கப்பட்ட திமுக அரசின் மசோதாக்களை கிடப்பில் போட்டு விளையாண்டார் பாருங்க... அப்பவே தெரிஞ்சது இவங்க ஆட்டம் ரொம்ப நாளைக்கு நீடிக்காதுன்னு!
ஆளுநரின் "அதிகார லீலை" - உச்சநீதிமன்றத்தின் "செக்"!
"எனக்குத்தான் எல்லாம் தெரியும், நான் நினைச்சாதான் நடக்கும்"னு ஆளுநர் ரவி நினைச்சுக்கிட்டு இருந்தாரு. ஆனால், நம்ம உச்சநீதிமன்றம் சும்மா விடுமா? "போதும் உங்க நாடகம், இனிமே மசோதாக்களை கிடப்பில் போடக்கூடாது"ன்னு ஒரே போடு போட்டாங்க. அது மட்டுமில்லாம, "நீங்க இழுத்தடிக்கிற மசோதாக்களை நாங்களே முடிச்சு வைக்கிறோம்"னு அதிகாரம் வேற கொடுத்தாச்சு! அடப்பாவிகளா, ஆளுநருக்கு வேலையே இல்லாம போச்சேன்னு பாஜகவினர் அங்கலாய்க்கிறது இங்க வரைக்கும் கேட்குது!
துணைவேந்தர் சர்ச்சை: ஆளுநருக்கு "நோ சான்ஸ்"!
அதுக்கப்புறம் ஊட்டிக்கு துணை குடியரசுத் தலைவரை கூட்டிட்டு போய் மீட்டிங் வேற போட்டாரு நம்ம ஆளுநர். அப்போ ஒருத்தர் கேட்டாரு, "மாநில முதல்வரே வேந்தர்னு சட்டம் வந்தாச்சுல்ல, அப்புறம் எதுக்கு இவரு மீட்டிங் போடுறாரு?" அதுக்கு ஆளுநர் என்ன சொன்னாருன்னா, "வேந்தர் யாரு இருந்தாலும் மீட்டிங் போட அதிகாரம் இருக்கு"ன்னு பல்லு கடிக்காம சொன்னாரு பாருங்க... அந்த இடத்துலதான் திமுகவின் சட்டத்திருத்தத்தில் இருந்த சின்ன ஓட்டையை புடிச்சுக்கிட்டாரு மனுஷன். சரி விடுங்க, இப்ப அதுவும் கோர்ட் வரைக்கும் போயிருக்கு. கடைசியில என்ன ஆகப்போகுதோ!
குடியரசுத் தலைவர் கடிதம்: "சட்டத்தையே மதிக்க மாட்டீங்களா?"
இப்ப என்னடான்னா, குடியரசுத் தலைவர் வேற உச்சநீதிமன்றத்துக்கு ஒரு கடிதம் எழுதி, "ஏன் நீங்க ஆளுநர் அதிகாரத்துல தலையிடுறீங்க?"ன்னு கேட்டுருக்காங்க. அடேங்கப்பா! கான்ஸ்டிடியூஷனையே காலில் போட்டு மிதிக்கிற மாதிரி பேசுறாங்களே! இதைப் பார்த்தா தெரியுது, ஒன்றிய அரசுக்கு என்ன நினைப்புன்னு. ஜனாதிபதி முர்மு சொல்றாங்க, "அரசியல் சாசனத்துல காலக்கெடுவே இல்லையாம்!" ஆமாம், நீங்க சொல்றது சரிதான். ஆனா, நீங்க மத்திய அரசு போடுற பில்களுக்கு மட்டும் மின்னல் வேகத்துல கையெழுத்து போடுவீங்களே, அது என்ன கணக்கு?
"அஸ் சூன் அஸ் பாசிபிள்"னா என்ன அர்த்தம்? - ஜனாதிபதிக்கு ஒரு கேள்வி!
"அஸ் சூன் அஸ் பாசிபிள்"னா என்ன அர்த்தம்னு ஜனாதிபதிக்கு யாராவது சொல்லிக் கொடுங்க! பில் வந்த உடனே கையெழுத்து போடுறதுதான் அதன் அர்த்தம். ஆனா, நம்ம முர்மு பில் வந்தா உடனே சைன் போடுறாங்களா என்ன? 370 ஆகட்டும், இல்ல வக்ஃப் போர்டு பில் ஆகட்டும்... படிச்சாங்களா என்னன்னு தெரியல. ஆனா, கையெழுத்து மட்டும் டக்கென்று போடுவாங்க!
ஆளுநரின் "நான்தான் பெரிய ஆள்" மனப்பான்மை!
ஆளுநர் ரவி வேற, "நான் நினைச்சா எப்ப வேணாலும் மசோதாவுக்கு ஒப்புதல் கொடுப்பேன்"னு ஒரு ஐஏஎஸ் பசங்க கிளாஸ்ல பந்தாவா பேசி இருக்காரு. "நான் கிடப்பில போட்டா அந்த மசோதா செத்து போச்சு"ன்னு வேற டயலாக்! என்ன ஆணவப் பேச்சு பாருங்க! மக்களால் தேர்ந்தெடுக்கப்பட்ட ஒரு அரசை இப்படி மதிக்கிறதா?
ஜனாதிபதியின் "கண்டும் காணாத" நாடகம்!
ஆளுநர் இவ்வளவு தப்பு பண்ணியும், நம்ம ஜனாதிபதி கண்டுகொள்ளவே இல்லையே! ஏன் முர்மு அவர்களே, உங்களுக்கு ஆளுநருக்கு என்ன அதிகாரம் இருக்குன்னு தெரியாதா? மாநில அரசு ஒரு மசோதா நிறைவேற்றி அனுப்பினா, ஒன்னு கையெழுத்து போட்டு அனுப்பணும், இல்லன்னா குடியரசுத் தலைவருக்கு அனுப்பணும். எல்லா மசோதாவையும் அனுப்ப முடியாதுன்னு உங்களுக்கு தெரியாதா?
உச்சநீதிமன்றத்தின் "சரமாரி" கேள்விகள்!
நல்ல வேளை, நம்ம உச்சநீதிமன்றம் சும்மா இல்ல. அவங்க கேக்குறாங்க, "ஏன் நீங்க ஆளுநர் தப்பு பண்ணும் போது கேள்வி கேட்கல? அரசியல் சாசனத்துக்கு விரோதமா நடந்துகிட்ட ஆர்.என்.ரவியை ஏன் நீங்க கண்டிக்கல?" இந்த கேள்விக்கெல்லாம் ஜனாதிபதி என்ன பதில் சொல்லப் போறாங்களோ!
பாஜகவின் "புது” பாட்டு!
இப்ப வேற வலதுசாரிகளும் பாஜகவினரும் ஒரு புது பாட்டு பாடுறாங்க. "உச்சநீதிமன்றமே எல்லா அதிகாரத்தையும் எடுத்துக்குதே"ன்னு ஒப்பாரி வைக்கிறாங்க. அட பாவிகளா! நீங்க தப்பு பண்ணா சுப்ரீம் கோர்ட் கேட்காம என்ன பண்ணும்? சட்டம் இயற்றுவது உங்க வேலைதான். ஆனா, அந்த சட்டம் அரசியல் சாசனத்துக்கு உட்பட்டு இருக்கான்னு பார்க்குறது யாரு வேலை? நீங்க தப்பு பண்ணும் போது கேள்வி கேட்க ஒரு அமைப்பு வேணாமா?
மாநில முதலமைச்சர்களின் "ஒன்றுபட்ட" குரல்!
நல்ல விஷயம் என்னன்னா, நம்ம தமிழ்நாடு முதல்வர் மு.க.ஸ்டாலின் எல்லா மாநில முதலமைச்சர்களுக்கும் ஒரு அழைப்பு விடுத்திருக்காரு. "வாங்க எல்லாரும் சேர்ந்து அரசியல் சாசனத்தை காப்பாத்த போராடுவோம்"னு கூப்பிட்டு இருக்காரு. ஏற்கனவே தொகுதி மறுசீரமைப்பு வந்தப்ப தென்னிந்திய முதல்வர்களை ஒன்னு திரட்டினாரு. இந்த முறை என்ன நடக்கப் போகுதோ! கண்டிப்பா இது டெல்லிக்கு ஒரு பெரிய அதிர்வை கொடுக்கும்.
மாநில சுயாட்சிக்கு விடப்பட்ட "சவால்"!
இது வெறும் தமிழ்நாடு பிரச்சனை மட்டும் இல்ல. எல்லா மாநிலத்தோட உரிமைக்கும் விடப்பட்ட சவால். அதனால, எல்லா மாநில முதலமைச்சர்களும் ஸ்டாலின் அழைப்பை ஏத்துக்கிட்டு சுப்ரீம் கோர்ட்டுக்கு ஆதரவா நிக்கணும். அப்போதான் இந்த பாஜகவோட சர்வாதிகார போக்க கட்டுப்படுத்த முடியும்.
கருத்துகள்
கருத்துரையிடுக